Azərbaycan Respublikasının Ailə, Qadın və Uşaq Problemləri üzrə Dövlət Komitəsi
Media
Xəbərlər
Bahar Muradova “Ailəm könüllüləri” ilə görüşüb
Görüşdə “Ailəm könüllüləri” proqramı çərçivəsində könüllülük fəaliyyətini uğurla başa vuranlarla yanaşı, proqrama yeni qoşulan gənclər də iştirak edib. Görüş iştirakçılarını salamlayan Ailə, Qadın və Uşaq Problemləri üzrə Dövlət Komitəsinin sədri Bahar Muradova, könüllülük fəaliyyətinin dövlətin və cəmiyyətin ümumi inkişaf istiqamətlərinə, xüsusilə də gənclərin şəxsi inkişafına təsirinə diqqət çəkib. Artıq 4 ildir ki, Komitə tərəfindən könüllülük proqramının həyata keçirildiyini vurğulayan sədr, ötən dövr ərzində 300-dən çox gəncin bu prosesdə iştirak etdiyini bildirib. Könüllülük proqramı çərçivəsində gənclərin bir çox layihələrin fəal iştirakçısına çevrildiyini bildirən B.Muradova, könüllülərin Komitənin fəaliyyət sferalarına uyğun olaraq özlərini inkişaf etdirdiklərini, müəyyən bacarıqlar qazandıqlarını və təcrübə müddətində praktiki iş vasitəsilə müəyyən səriştələrə yiyələndiklərini əlavə edib. O, cəmiyyətin hər bir üzvünün toplum, cəmiyyət, xalq olaraq, vətəndaş məsuliyyəti ilə dövlətinə, onun qarşıda duran hədəflərinə cavabdeh olduğunu bildirib. Bu gün gənclərin imkanlarının daha geniş olduğunu vurğulayan B.Muradova, ölkəmizin mənafeyi, qarşısında duran hədəflər və maraqların hər birimizin ən üstün maraqları olduğunu qeyd edib. Əlavə edib ki, formalaşmış və müəyyən edilmiş siyasətlər, bu siyasətlərin reallaşdırılması üçün müxtəlif layihələr, proqramlar, fəaliyyət planları sayəsində həyatımızı idarə edir, ölkəmizə, xalqımıza töhfə verir, beynəlxalq proseslərin fəal aktoru kimi çıxış edirik. Könüllülərin bu proseslərin startında olduğunu söyləyən sədr, proqrama qatılan hər bir könüllünün öz sahəsində ölkəmizin inkişafına töhfə verəcəyini, beləcə Azərbaycan ailəsi üçün çalışan insanların sayının bir az da artacağını bildirib. Komitənin Ailə məsələləri şöbəsinin əməkdaşları Rafiq Mahmudov və Dəniz Vəliyeva çıxış edərək, proqram çərçivəsində könüllülük fəaliyyətini başa vurmuş gənclərin fəaliyyəti haqqında, eyni zamanda yeni qoşulmuş iştirakçılar barədə məlumat veriblər. Bildirilib ki, “Ailəm könüllüləri” mütəmadi olaraq Dövlət Komitəsinin fəaliyyətinə, ölkədə keçirilən beynəlxalq tədbirlərə, o cümlədən müxtəlif konfranslara digər könüllülərlə birgə cəlb olunaraq fəal iştirak edib. Daha sonra könüllülük fəaliyyətini uğurla başa vurmuş gənclər təqdimatla çıxış edərək, proqram çərçivəsində fəaliyyətləri barədə geniş məlumat veriblər. Tədbir zamanı könüllülük proqramına qoşulan tələbələr çıxış edərək, fikirlərini bölüşüblər. Onlar ilkin biliklərin təkmilləşdirilməsi, eləcə də təcrübə əldə olunması baxımından könüllülük fəaliyyətinin əhəmiyyət kəsb etdiyini qeyd ediblər və yaradılan şəraitə görə təşəkkürlərini bildiriblər. Görüş müzakirələrlə davam edib və sonda könüllülük fəaliyyətini uğurla başa vuran gənclər sertifikatla təltif olunub.
29 oktyabr-Türkiyənin Cümhuriyyət bayramıdır
Cümhuriyyət bayramı münasibətilə dost və qardaş Türkiyə xalqını səmimi-qəlbdən təbrik edir‚ əmin-amanlıq və firəvanlıq diləyirik.
“Həyatının memarı – sən özünsən” layihəsi çərçivəsində görüş keçirilib
25 oktyabr 2024-cü il tarixində Ailə, Qadın və Uşaq Problemləri üzrə Dövlət Komitəsinin “Həyatının memarı – sən özünsən” layihəsi çərçivəsində Cəlilabad Rayon İcra Hakimiyyətinin dəstəyi ilə müəllimlərlə maarifləndirici görüş keçirilib. Görüşü giriş sözü ilə açan Cəlilabad Rayon İcra Hakimiyyətinin Yetkinlik yaşına çatmayanların işləri və hüquqlarının müdafiəsi üzrə komissiyasının məsul katibi Xumarə Xəlilova, tədbirin məqsəd və əhəmiyyətindən bəhs edib. Çıxış edən Dövlət Komitəsinin əməkdaşı Rafiq Mahmudov gənclərin sağlam nəsil kimi formalaşdırılması istiqamətində Komitə tərəfindən həyata keçirilən tədbirlərdən danışıb. Daha sonra görüşün eksperti Səhiyyə Nazirliyi İctimai Səhiyyə və İslahatlar Mərkəzinin Təlim-resurs şöbəsinin müdir müavini Pərvin Quliyeva “Narkomaniyaya yox deyək!” adlı təqdimatla çıxış edib, zərərli vərdişlərin fəsadlarından və insan sağlamlığına göstərdiyi mənfi təsirlərdən danışıb. Sonda “Azərbaycan ailəsi” film festivalına təqdim edilmiş “Əlvida mənim dostum” qısametrajlı filmi izlənilib və mövzuya aid maarifləndirici materiallar paylanılıb.
Azərbaycan Uşaqlarının VI Ümumrespublika Forumuna hazırlığı çərçivəsində növbəti görüş keçirilib
Görüş zamanı nazir Rəşad Nəbiyev Azərbaycanın rəqəmsal gələcəyinin məhz gənc nəsillərin bilik və bacarıqları ilə formalaşacağını qeyd edib. Kiber təhlükəsizlik və informasiya texnologiyaları mövzularından bəhs edən R.Nəbiyev, həmçinin uşaqların peşə seçimi, gələcəyin təhsil istiqamətləri mövzularında suallarını cavablandırıb. Sonda uşaqlara öz təşəkkürünü bildirərək, onlara gələcək həyatlarında uğurlar arzulayıb. Uşaq Səfirlər Məclisinin üzvləri də öz növbələrində görüşə görə rəqəmsal inkişaf və nəqliyyat nazirinə təşəkkürlərini bildiriblər.
Uşaq Səfirlər Məclisinin növbəti görüşü Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva ilə olub
Azərbaycan Uşaqlarının VI Ümumrespublika Forumuna hazırlıq çərçivəsində baş tutan görüşdə Müvəkkil uşaq hüquqlarının müdafiəsi istiqamətində həyata keçirilən fəaliyyətlər barədə geniş məlumat verib. Səbinə Əliyeva hər il “Uşaq hüquqları haqqında” Konvensiyanın qəbul edilməsinin ildönümü ərəfəsində Ombudsman tərəfindən ölkədə 20 oktyabr - 20 noyabr tarixlərində “Uşaq Hüquqları Aylığı”nın elan edildiyini və Forum iştirakçıları ilə təşkil edilmiş görüşün əlamətdar olduğunu qeyd edib. Eyni zamanda, Ombudsman uşaq hüquqlarının təmini və bu sahədə icra olunan tədbirlərlə bağlı iştirakçıların fikirlərini dinləyib, onları maraqlandıran sualları cavablandırıb. Sonda, uşaqların cəmiyyətdəki önəmini vurğulayan Müvəkkil, onlara tövsiyələrini verərək gələcək fəaliyyətlərində uğurlar arzulayıb.
Uşaq Səfirlər Məclisinin dövlət qurumlarının rəhbərləri ilə ənənəvi hal almış görüşləri davam edir
VI Ümumrespublika Forumuna hazırlıq çərçivəsində növbəti görüş Əmək və Əhalinin Sosial Müdafiəsi Nazirliyində baş tutub. Görüş zamanı nazir Sahil Babayev uşaqları maraqlandıran sualları cavablandırıb. O, sağlamlıq imkanları məhdud uşaqlara göstərilən dəstək, azyaşlı uşaqların əməyindən sui-istifadə hallarının qarşısının alınması, işğaldan azad olunmuş ərazilərdə yaşayan ailələrə göstərilən dəstək tədbirləri, eləcə də DOST TV-nin fəaliyyəti barədə ətraflı məlumat verib. S. Babayev Ailə, Qadın və Uşaq Problemləri üzrə Dövlət Komitəsi tərəfindən təşkil edilən Azərbaycan Uşaqlarının Forumlarının uşaqların ictimai fəallığının artırılması, onların öz hüquqlarına dair qərarların qəbulu prosesində təşəbbüslər irəli sürmək imkanına yiyələnməsi və s. baxımından əhəmiyyətini qeyd edib. Nazir hər bir vətəndaşın cəmiyyətdəki rolunun önəmini vurğulayaraq, iştirakçılara tövsiyələrini verib, onlara uğurlar diləyib.
Uşaq Səfirlər Məclisinin üzvləri Azərbaycan Respublikasının səhiyyə naziri Teymur Musayevlə görüşüb
Cari ilin 5 dekabr tarixində keçiriləcək “Uşaqlar və ekologiya” adlı Azərbaycan Uşaqlarının VI Ümumrespublika Forumu çərçivəsində Uşaq Səfirlər Məclisi üzvlərinin dövlət orqanları rəhbərləri ilə görüşləri təşkil edilib. Məclis üzvlərinin ilk görüşü Azərbaycan Respublikasının səhiyyə naziri Teymur Musayevlə keçirilib. Görüş zamanı T.Musayev Forumun uşaqların həyatında əhəmiyyətli hadisə olduğunu və onların gələcək inkişafına təkan verdiyini bildirib. Həmçinin, tədbirin ekologiyaya həsr olunmasını yüksək qiymətləndirərək, təmiz ətraf mühitin insanların sağlamlığına müsbət təsirindən bəhs edib. Daha sonra Teymur Musayev Forum iştirakçılarını maraqlandıran sualları cavablandırıb. Sonda səmimi görüşə görə cənab nazirə təşəkkür edən uşaqlar dövlətimizin onlara olan qayğısını hər zaman hiss etdiklərini bildiriblər. Qeyd edək ki, Ailə, Qadın və Uşaq Problemləri üzrə Dövlət Komitəsi 2009-cu ildən etibarən Azərbaycan Uşaqlarının Forumlarını keçirir. Azərbaycan Respublikasının Prezidenti cənab İlham Əliyevin 2009-cu ili “Uşaq ili” elan etməsi ilə həmin ildən başlayaraq uşaqların həyatında əhəmiyyətli hadisə olan Forumların keçirilməsi artıq ənənə halı alıb. Ümumrespublika Uşaq Forumları uşaqların öz hüquqlarına dair qərarların qəbul olunmasında iştirakını təmin etmək, onlara problemlərinin həlli ilə bağlı təşəbbüslər irəli sürmək və təkliflər vermək imkanı yaratmaq, ictimaiyyətin diqqətini uşaq hüquqlarının qorunmasına yönəltmək baxımından əhəmiyyətlidir. Keçirilən Forumların əsas xüsusiyyəti və fərqləndirici cəhəti onu bütünlüklə uşaqların idarə etməsidir. Belə ki, Forumlar uşaqların iştirakı ilə uşaqlar tərəfindən idarə olunan bir tədbirdir.
VI Ümumrespublika Forumuna hazırlıq çərçivəsində növbəti görüş Ekologiya və Təbii Sərvətlər Nazirliyində baş tutub
Azərbaycan Uşaqlarının VI Ümumrespublika Forumuna hazırlıq çərçivəsində növbəti görüş Ekologiya və Təbii Sərvətlər Nazirliyində baş tutub. Görüş zamanı iqlim dəyişikliyinin təsirləri, su qıtlığı, təbiətin mühafizəsi və su ehtiyatlarının səmərəli istifadəsi müzakirə edilib. Azərbaycan Respublikası ekologiya və təbii sərvətlər naziri Muxtar Babayev ölkəmizdə reallaşacaq COP29 tədbirinə hazırlıq işlərindən və bu qlobal tədbirin həm Azərbaycan, həm də dünya ictimaiyyəti üçün əhəmiyyətindən bəhs edib. Nazir işğaldan azad edilmiş ərazilərdə həyata keçirilən ekoloji bərpa işləri və bu ərazilərin yenidən yaşıl və məhsuldar torpaqlara çevrilməsi istiqamətində görülən tədbirlər barədə ətraflı məlumat verib. Yekunda M.Babayev ətraf mühitin qorunmasının hər bir vətəndaşın məsuliyyəti olduğunu vurğulayaraq, iştirakçılara bu istiqamətdə aktiv fəaliyyətlərinə görə təşəkkürünü bildirib.
“Doğulacaq uşağın cinsinin seçilməsi ilə mübarizə” mövzusunda görüş keçirilib
Bölgələrdə əhali arasında keçirilən maarifləndirici görüşlərin davamı olaraq 24 oktyabr 2024-cü il tarixdə Gədəbəy Rayon İcra Hakimiyyətinin dəstəyi ilə 1 nömrəli orta məktəbdə qadın və qızlar üçün “Doğulacaq uşağın cinsinin seçilməsi ilə mübarizə” mövzusunda görüş keçirilib. Görüşdə Dövlət Komitəsinin Ailə məsələləri şöbəsinin müdir müavini Kamila Əliyeva çıxış edərək, uşaqların doğulanadək cins seçiminə görə hamiləliyin süni şəkildə pozulması hallarının doğulan uşaqlar arasında cinsə görə nisbətin pozulmasına yol açdığını vurğulayıb. Sonra ekspert qismində çıxış edən Səhiyyə Nazirliyinin İSİM-in həkim-metodisti Zümrüd Kazımova hamiləliyin süni yol ilə pozulmasının fəsadlarından danışıb, tədbir iştirakçılarına ailə planlaşdırılması və reproduktiv sağlamlığın qorunmasına dair tövsiyələrini verib. Görüşdə Gədəbəy Rayon İcra Hakimiyyəti başçısı aparatının İctimai-siyasi və humanitar məsələlər şöbəsinin müdir müavini-dini qurumlarla işin təkilatçısı Qədir Bağırov iştirak edib. Görüşün sonunda iştirakçıların sualları cavablandırılıb. Görüşdən 117 nəfər iştirakçı faydalanıb.
