Azərbaycan Respublikasının Ailə, Qadın və Uşaq Problemləri üzrə Dövlət Komitəsi
Media
Xəbərlər
Bu gün görkəmli şərqşünas alim, istedadlı pedaqoq, professor Aida İmanquliyevanın anım günüdür
Azərbaycan şərqşünaslığında yeni dövr ərəb ədəbiyyatının ilk tədqiqatçısı olan A.İmanquliyeva özündən sonra çağdaş ərəb ədəbiyyatının tədqiqində yeni bir yol açıb. Onun əsərləri dönə-dönə oxunur, elmi irsi araşdırılır və təbliğ edilir. Azərbaycan qadınlarına xas olan ən nəcib keyfiyyətləri özündə birləşdirən Aida xanımın xatirəsini dərin hörmət və ehtiramla anırıq.
Azərbaycanın dövlət suverenliyinin tam bərpası ilə nəticələnən lokal xarakterli antiterror tədbirlərindən 1 il ötür
Vətənimizi bir yumruq kimi birləşdirən tarixi Zəfərimiz mübarək olsun!
Dövlət Komitəsi regionlarda növbəti “Açıq qapı” gününün keçirilməsini nəzərdə tutur
Ailə, Qadın və Uşaq Problemləri üzrə Dövlət Komitəsi regionlarda növbəti “Açıq qapı” gününün keçirilməsini nəzərdə tutur. “Açıq qapı” günü 26 sentyabr 2024-cü il tarixində, saat 10:00-dan 15:00-dək Dövlət Komitəsinin Uşaq və Ailələrə Dəstək Mərkəzləri tərəfindən psixoloq və sosial işçilərin iştirakı ilə keçiriləcəkdir. Ünvan və telefonlar
Dövlət Komitəsi vakansiya elan edir
Azərbaycan Respublikasının Ailə, Qadın və Uşaq Problemləri üzrə Dövlət Komitəsi tabeliyində olan Qəbələ və Goranboy Uşaq və Ailələrə Dəstək Mərkəzlərində (UADM) aşağıdakı vakant vəzifələr üzrə işə qəbul müsabiqəsi elan edir. 1) Baş mühasib-Qəbələ UADM 2) Psixoloq-Goranboy UADM 3) Sosial iş üzrə mütəxəssis (2 ştat)-Goranboy UADM Vəzifə barədə ətraflı aşağıdakı linkdən tanış ola bilərsiniz. Vəzifə təlimatları Qeyd edilən vəzifə üzrə işə qəbul olmaq istəyən şəxslər 18 sentyabr – 18 oktyabr 2024-cü il tarixlərində şəxsi məlumatlar anketini (CV) region@family.gov.az elektron poçt ünvanına göndərə bilərlər. Yalnız tələblərə cavab verən namizədlərlə əlaqə saxlanılacaq və müsahibəyə dəvət olunacaqlar. Müsahibə nəticələrinə uyğun olaraq, seçilmiş şəxsə bu barədə məlumat veriləcək. Qeyd: Baş mühasib vəzifəsinə namizədlər müvafiq peşəkar mühasib sertifikatına malik olmalıdır. Əlaqə: Ailə məsələləri şöbəsi Mərkəzlərlə iş sektoru şəh. (+99412) 493-79-62 mob. (+99451) 230-54-87
İsmayıllı rayonunda jurnalistlərin və sosial media blogerlərinin iştirakı ilə 3 günlük təlim proqramı keçirilir
Ailə, Qadın və Uşaq Problemləri üzrə Dövlət Komitəsinin təşkilatçılığı ilə 17-19 sentyabr 2024-cü il tarixlərini əhatə edən təlimin ilk günündə Dövlət Komitəsinin əməkdaşı Sevil Rəsulzadə açılış nitqi ilə çıxış edərək, iştirakçılara media ilə əməkdaşlıq istiqamətində təşkil edilən tədbirləri diqqətə çatdırıb. Qeyd edib ki, maarifləndirici təlimlər “2024-2026-cı illər üzrə Ailə, Qadın və Uşaq Problemləri üzrə Dövlət Komitəsinin Kommunikasiya Strategiyası”nın tədbirlər planı çərçivəsində keçirilir və məqsəd jurnalistlərin, eləcə də blogerlərin ailə, qadın və uşaq problemlərinin mediada düzgün işıqlandırılması istiqamətində bilik və bacarıqlarının gücləndirilməsi, uşaq hüquqları və gender bərabərliyinə dair informasiyanın yayımlanmasında həssaslığın artırılmasıdır. Dövlət Komitəsinin Hüquqi təminat şöbəsinin əməkdaşı Tural Hüseynzadə “Ailə, qadın və uşaq məsələlərinə hüquqi yanaşma: media müstəvisində” mövzusu üzrə çıxış edərək, məişət zorakılığı və gender əsaslı zorakılıq halları ilə mübarizə istiqamətində mövcud qanunvericilik, həmçinin media nümayəndələrinin üzərinə düşən öhdəlikləri diqqətə çatdırıb. O, məlumatlar işıqlandırılarkən cinsi ayrı-seçkiliyə yol verilməməsi, balans, dəqiqlik, mənbə müxtəlifliyi kimi prinsiplərə diqqətlə yanaşmanın vacibliyini vurğulayıb. “Mediada psixoloji sağlamlıq: intihar və bənzərliklər” mövzusunda təqdimatla çıxış edən klinik psixoloq, psixoterapevt Rövşən Nəcəfov intihar düşüncələrinin psixoloji köklərini anlamaq və onların müasir müalicə metodlarına dair məlumat verib. O qeyd edib ki, intihar xəbərlərinin geniş yayıldığı hallarda bir bölgədə ardıcıl intihar hadisələri müşahidə edilə bilər. Bu, "suicide clusters" adlanır və intihar hadisələrinin bir-birini təhrik etməsi nəticəsində yaranır. Bildirib ki, xüsusilə medianın məşhur şəxsiyyətlərin intiharlarını işıqlandırma tərzi, detalların geniş yayılması, intiharların artmasına səbəb ola bilər. Vurğulanıb ki, media nümayəndələri tərəfindən məsuliyyətli xəbər yayımı intihar hallarının azalmasına kömək edə bilər. Təlim müddətində qadın və uşaq hüquqlarının düzgün işıqlandırılması prinsipləri, media vasitəsilə gender stereotipləri və məişət zorakılığı ilə halları ilə bağlı informasiya hazırlayarkən jurnalistlərin etik davranış qaydaları, həssas qruplarla ünsiyyət və müsahibə aparılması qaydaları barədə məlumat verilib. İnteraktiv müzakirə və qrup işləri formatında davam edən təlim müddətində iştirakçıların sualları cavablandırılıb.
Jurnalistlər və sosial media blogerləri İsmayıllı Uşaq və Ailələrə Dəstək Mərkəzində olublar
Ailə, Qadın və Uşaq Problemləri üzrə Dövlət Komitəsinin təşkilatçılığı İlə keçirilən təlim proqramı çərçivəsində İsmayıllı UADM-ə mediatur təşkil edilib. İsmayıllı UADM-in fəaliyyət istiqamətləri və xidmətləri ilə tanış olmaq məqsədilə keçirilən mediaturda Mərkəzin direktoru Lətifə Əliyeva ümumilikdə yerlərdə icma daxili xidmətlərin və əhali ilə aparılan işlərin səmərəliliyinin artırılması baxımından Mərkəzlərin uğurlu nəticələr verdiyini diqqətə çatdırıb. Bildirib ki, Dövlət Komitəsinin nəzdində 11 rayonda belə mərkəz var. L.Əliyeva bildirib ki, Mərkəzin fəaliyyət istiqamətlərinə uyğun olaraq, aktiv terapiya, inkişafetdirici məşğələlər, psixoloq otaqları fəaliyyət göstərir. Sonra Mərkəzin fəaliyyətinə dair video-rolik nümayiş etdirilib. Sonda media nümayəndələrinin sualları cavablandırılıb
Ağsuda vətəndaş qəbulu keçiriləcək
Ailə, Qadın və Uşaq Problemləri üzrə Dövlət Komitəsinin sədri Bahar Muradova 20 sentyabr 2024-cü il tarixində, saat 11:00-da Ağsu rayonu YAP-ın inzibati binasında vətəndaşları qəbul edəcək. Qəbulda Ağsu və İsmayıllı rayon sakinlərinin müraciətlərinə baxılacaq.
15 sentyabr bilik günüdür
Əziz müəllimlər, tələbələr və şagirdlər! Ailə, Qadın və Uşaq Problemləri üzrə Dövlət Komitəsi sizi yeni tədris ilinin başlanması münasibətilə təbrik edir, müvəffəqiyyət arzu edir!
Bahar Muradova Beynəlxalq Qadınlar Forumunda çıxış edib
Ailə, Qadın və Uşaq Problemləri üzrə Dövlət Komitəsinin sədri Bahar Muradova Çinin Çindao şəhərində keçirilən "Rəqəmsallaşma vasitəsilə qadınların iqtisadi hüquqları və imkanlarının artırılması" mövzusunda Qadınlar Forumu çərçivəsində baş tutan plenar iclasda çıxış edib. Bahar Muradova Çinlə Azərbaycan arasında qədim İpək Yolundan başlayan əlaqələrin hazırda iki ölkə arasında strateji tərəfdaşlıq münasibətlərinin qurulmasına dair birgə bəyannamə ilə möhkəmləndirildiyini diqqətə çatdırıb. Xanım sədr Forum təşkilatçılarının rəqəmsallaşma vasitəsilə qadınlara dəstək təşəbbüslərini yüksək qiymətləndirib və Azərbaycanın rəqəmsallaşma sahəsində ən yüksək standartları hədəfləyən islahatlar, yeni texnologiyaların tətbiqi nəticəsində qadınların iqtisadi fəallığının artırılması istiqamətində görülən işlər, həyata keçirilən tədbir və layihələr barədə məlumat verib. Bahar Muradova, işğaldan azad olunan torpaqlarda yaradılan yeni infrastruktur layihələrindən danışarkən vurğulayıb ki, rəqəmsal xidmət və innovasiya mərkəzləri, inkubasiya proqramları tətbiq etməklə inkişafa böyük zəmin yaradılır. B.Muradova, ölkəmizin bu sahədə Avropa və Asiya ölkələri ilə həm ikitərəfli, həm də çoxtərəfli münasibətlərin inkişafında maraqlı olduğunu vurğulayaraq, ŞƏT çərçivəsində qarşılıqlı təcrübə mübadiləsinə şərait yaradan belə təşəbbüsləri alqışlayıb. Rəqəmsallaşmanı qadınların iqtisadi hüquqlarının genişləndirilməsi və imkanlarının artırılması üçün güclü vasitə, eləcə də onların birgə səsi üçün bir tribuna adlandıran sədr, bu sahədə maneələrin hökumətlərin, özəl sektorun və vətəndaş cəmiyyətinin birgə səyləri ilə aradan qaldırılmasının mümkün olacağını vurğulayıb. Çıxışının sonunda Komitə sədri Cənubi Qafqaz regionunda daimi və dayanıqlı sülh gündəliyini irəli aparan Azərbaycanın bu gün işğalın nəticələrini aradan qaldırmağa, 30 il ərzində münaqişədən təsirlənmiş vətəndaşlarının pozulmuş hüquqlarının bərpasına çalışdığını diqqətə çatdırıb. Əlavə edib ki, Azərbaycan iqlim dəyişikliklərinin insanlara təsirlərini azaltmağa yönəlmiş birgə və kollektiv cavab tədbirlərinə ev sahibliyi edir və hazırda COP29 kimi nüfuzlu bir tədbirin hazırlıq işlərinin ən vacib mərhələsinə qədəm qoyub.
