Bu kimi insanların cəmiyyətlə fəal əlaqəsinin məhdud olduğunu nəzərə alaraq tədbir hansısa bir qapalı məkanda yox, məhz  insanların çox olduğu bir məkanda- istirahət mərkəzində keçirildi.

Tədbiri giriş sözü ilə İsmayıllı UADM-in direktoru Lətifə Əliyeva açaraq  xüsusi qayğıya ehtiyaclı insanlarla gördükləri işlərdən danışdı, bu çətin və savab işdə onlarla olan hər  kəsə,  eləcə də, belə xeyirxah aksiyaya görə Gəncliyə Yardım Fonduna təşəkkür etdi.

İsmayıllı Rayon İcra Hakimiyyəti başçısının müavini Sevil Əhmədova, Türkiyə Respublikası Baş Nazirlik (TİKA) Türk Əməkdaşlıq və Koordinasiya Agentliyi Bakı Proqram Koordinasiya ofisinin koordinatoru Mustafa Haşim Polat, Gəncliyə Yardım Fondunun Himayəçilər Şurasının sədri Əhməd Tecim çıxışlarında xüsusi qayğıya ehtiyaclı insanlarla görülən və  görülməli  işlərdən danışdılar.

Sonra  əlil arabaları təqdim olundu. Qəbələ rayonundan  gəlmiş  Qarabağ əlili, Aprel döyüşlərində sağlamlığını itirmiş Anar Hacıyev və xüsusi qayğıya ehtiyacı olan İsmayıllı sakini  çıxış edərək onlara göstərilən qayğıya görə razılıq bildirdilər.

Xüsusi qayğıya ehtiyacı olan  paraolimpiyaçı, idmanın ağırlıqqaldırma növü üzrə keçirilən respublika birinciliyində üçüncü yer qazanmış Şakir Ömərov tədbir iştirakçılarına bir örnək kimi təqdim olundu, əlil arabasında olmasına baxmayraq idmanla mütəmadi məşğul olması, əlilliklə yorulmadan mübarizə aparması təqdir olundu.

Tədbiri İsmayıllı Rayon Mədəniyyət Mərkəzinin  ansamblı maraqlı konsert proqramı ilə davam etdirdi.