19 iyun 2015-ci il tarixində Goranboy Uşaq və Ailələrə Dəstək Mərkəzi “İnsan alverinin qurbanlarına çevrilməyək” adlı dəyirmi masa təşkil etmişdir. Tədbirin keçirilməsində məqsəd insan alverinin qurbanı olan uşaqların təhsillərini davam etdirmək imkanlarının təmin edilməsi və onların müvəqqəti yaşadığı yer üzrə ümumi orta təhsil müəssisəsinə qəbul edilməsi idi.

Mövzu ilə bağlı  qısametrajlı  filmlərin nümayişi ilə açılan tədbirdə əsasən qadınlar iştirak etmişdir. Çıxış edən şəxslər uşaqları və qadınları  insan alverinin qurbanı olmaqdan  qorumaq, uşaqların təhsillərini davam etdirmələrinə yardım etmək və insan alverinə şərait yaradan halların müəyyən edilməsindən danışdılar. Tədbirdə qadınlara öz hüquqlarını necə qorumağı  və  hüquqlarının pozulması halları ilə rastlaşarlarsa vəziyyətdən çıxmağın yolları  izah edildi. Tədbirin sonunda qadınlara bəzi tövsiyyələr verildi, maarifləndirici materiallar, lifletlər paylanıldı. Sonda qadınlara müasir dövrdə diqqətli olmaq, özünün  və  ailə  üzvlərinin hüquqlarını  bilmək, eyni  zamanda  bu  hüquqları  qorumağı  bacarmaq  tövsiyyə  edilmişdir.