Yay düşərgəsində rayon ərazisində keçirilən tədbirlər zamanı öz fəallığı ilə seçilən uşaqlar, şəhid və qazi övladları iştirak edəcək.

 Tədbir qızların asudə vaxtının səmərəli təşkili, ictimai fəallığın artırılması, eləcə də, liderlik keyfiyyətlərinin formalaşmasına dəstək məqsədini daşıyır.

 Qeyd edək ki, 10 gün davam edəcək düşərgədə müxtəlif mövzularda təlim, ekskursiya və əyləncəli oyunlar keçiriləcək. Bununla yanaşı, düşərgə iştirakçılarının  Azərbaycanın tanınmış, öz fəaliyyətində nailiyyətlər əldə etmiş simaları ilə görüşləri təşkil olunacaqdır.

 Düşərgənin açılış mərasimi 22 avqust 2023-cü il tarixində, saat 15:15-də “Cırtdan” Uşaq İstirahət Mərkəzi. Bakı şəhəri, Xəzər rayonu, Şüvəlan qəsəbəsi, Almas İldırım küçəsi, döngə 4-də baş tutacaq.

 Tədbirə dəvət edilən mətbuat nümayəndələri üçün nəqliyyat saat 14:30-da Hökumət Evinin qarşısından yola düşəcək.