15 noyabr 2021-ci il tarixində “YAŞAT” Fondunun rəhbəri Elvin Hüseynovun V Uşaq Forumunun iştirakçıları ilə görüşü keçirilib.

Səmimi şəraitdə keçən görüş zamanı Elvin Hüseynov iştirakçılara “YAŞAT” Fondunun fəaliyyətindən bəhs edib, gələcəkdə nəzərdə tutulmuş layihələr barədə məlumat verib.

Görüş zamanı Forum iştirakçılarına “YAŞAT” Fondunun veb-səhifəsi haqqında hazırlanmış təqdimat göstərilib.

Daha sonra Fondun rəhbəri uşaqları maraqlandıran sualları cavablandırıb və iştirakçılara uğurlar arzu edib.

Sonda Forum iştirakçılarına hədiyyələr təqdim edilib və xatirə şəkli çəkilib.