20-21 Noyabr 2021-ci il tarixlərində Təhsil Nazirliyi, Gənclər və İdman Nazirliyi, Ailə, Qadın və Uşaq Problemləri üzrə Dövlət Komitəsi və “Regional İnkişaf” İctimai Birliyinin birgə təşkilatçılığı ilə “Uşaq Hüquqları” hakatonu keçiriləcək.

Hakatonun keçirilməsində məqsəd uşaq hüquqları ilə bağlı maarifləndirmə, bu sahədə mövcud problemlərin innovativ yollarla həllini təşviq etmək, həmçinin hakaton iştirakçılarına komandada işləyərək son texnologiyalar və yenilikləri sınaqdan keçirmək imkanı yaratmaqdır.

Iştirakçılar 24 saat ərzində bu sahədə mövcud problemlərin həllinə yönəlmiş innovativ yolları tapmağa çalışacaqlar. Hər biri 4 nəfərdən ibarət olacaq komandalar verilən müddət ərzində mentorların dəstəyi ilə ideyalarını layihə şəklində formalaşdıracaqlar.

Hakaton mövzuları:

Təhsil hüququ

Sağlamlıq hüququ

Zorakılıqdan müdafiə hüququ

Ailədə yaşamaq və tərbiyə almaq hüququ

Kimlər iştirakçı ola bilər?

Uşaq hüquqları haqqında məlumatlı, innovativ düşüncəli, təşəbbüskar, komanda ilə işləməyi bacaran, motivasiyalı 10-16 yaşlı uşaqlar/məktəblilər hakatonda iştiraka dəvətlidir.

3 qalib komandaya təqdim ediləcək mükafatlar:

1-ci yer - kompüter

2-ci yer - planşet

3-cü yer - ağıllı saat

Qeydiyyat linki: http://www.usaqhakatonu.az/

Son qeydiyyat tarixi: 15 sentyabr 2021

Regional İnkişaf - RİİB Azərbaycan Respublikası Təhsil Nazirliyi Azərbaycan Respublikası Gənclər və İdman Nazirliyi

#usaqhuquqları #UşaqHüquqlarıHakatonu