Ailə, Qadın və Uşaq Problemləri üzrə Dövlət Komitəsinin sədrinin müavini Aynur Sofiyeva 15 mart 2021-ci il tarixində onlayn formatda vətəndaşların qəbulunu keçirib.

Onlayn qəbulda Zaqatala, Qax və Balakən rayonundan olan sakinlər iştirak edib.

Qəbulda məişət zorakılığı, sağlamlıq imkanları məhdud uşaqların müayinəsi və müalicəsi, aliment problemləri, məhkəmə qərarlarının icrası ilə bağlı müraciətlərə baxılıb.

Qəbulda vətəndaşların Ailə, Qadın və Uşaq Problemləri üzrə Dövlət Komitəsinin səlahiyyət dairəsinə aid məsələlərə dair müraciətləri Komitənin müvafiq struktur bölmələrinin məsul şəxslərinin iştirakı ilə araşdırılaraq cavablandırılıb və aidiyyəti üzrə tədbirlər görülməsi istiqamətində tapşırıqlar verilib. Eyni zamanda, mövcud problemlərin həlli ilə bağlı digər məsələlər müvafiq strukturlara yönləndirilib.