Ailə, Qadın və Uşaq Problemləri üzrə Dövlət Komitəsinin Qəbələ, Goranboy, Hacıqabul, Zərdab, Ağdam, Şüvəlan Uşaq və Ailələrə Dəstək Mərkəzlərində Ümummilli lider Heydər Əliyevin anadan olmasının 99-cu ildönümünə həsr olunmuş bilik yarışları, təqdimatlar və şeir müsabiqələri və digər tədbirlər keçirilib.

Goranboy UADM-də “PAŞA Holding”in dəstəyi, “GİD CSR Consulting” şirkətinin təşkilatçılığı ilə “Təhsilə doğru” layihəsi çərçivəsində mərkəzin benefisiarları arasında Ümummilli lider Heydər Əliyevin doğum günü ilə əlaqədar intellektual yarış müsabiqəsində uşaqlar riyaziyyat, ingilis dili və informatika fənnləri üzrə biliklərini sınayıblar. Tədbirin sonunda qaliblərə hədiyyələr və sertifikatlar təqdim olunub.

Qəbələ, Hacıqabul, Zərdab, Ağdam, Şüvəlan UADM-lərində Heydər Əliyev Mərkəzi və təhsil müəssisələri ilə birlikdə tədbirlər keçirilib. Tədbirlərdə Ulu Öndərin həyatı və siyasi fəaliyyəti, Azərbaycan xalqı qarşısında xidmətləri barədə ətraflı məlumat verilib.

Sonra məktəblilər Ulu Öndərə həsr olunmuş şeirlər səsləndirib, “Böyük azərbaycanlı” adlı təqdimatı nümayiş etdiriblər.