Ailə, Qadın və Uşaq Problemləri üzrə Dövlət Komitəsinin İsmayıllı, Sabirabad, Hacıqabul, Zərdab Uşaq və Ailələrə Dəstək Mərkəzləri tərəfindən akademik Zərifə xanım Əliyevanın anadan olmasının 99 illiyinə həsr olunmuş tədbirlər keçirilib.

Mərkəzlərin fəaliyyət göstərdiyi rayonların yerli icra hakimiyyətləri, rayon Heydər Əliyev Mərkəzləri və təhsil müəssisələrinin birgə təşkilatçılığı ilə keçirilmiş tədbirlərdə, rayon ictimaiyyətinin nümayəndələri, mərkəzlərin əməkdaşları, təhsil işçiləri, məktəblilər, könüllülər iştirak ediblər.

Tədbirlərdə çıxış edən natiqlər Zərifə xanım Əliyevanın dərin və mənalı ömür yolu, elmi və akademik fəaliyyəti haqqında ətraflı məlumat verib, görkəmli elm fədaisinin əziz xatirəsini ehtiramla yad ediblər. Qeyd olunub ki, özünün fitri istedadı ilə elmin, insanlığın ən yüksək zirvəsinə ucalan akademik Zərifə xanım Əliyeva bu xüsusiyyətləri

ilə həm müasir gənclərə, həm də gələcək nəsillərə nümunə və örnəkdir.

Çıxışlardan sonra görkəmli alim Zərifə xanım Əliyevaya həsr olunmuş qısametrajlı film nümayiş etdirilib.