Bu gün görkəmli şərqşünas alim, professor Aida İmanquliyevanın anadan olmasının 84-cü ildönümüdür.

Yüksək şəxsi və intellektual keyfiyyətlərə malik Aida xanım İmanquliyevanın qiymətli və zəngin elmi irsi nəinki Azərbaycan, bütün dünya ərəbşünaslığında faydalı bələdçi və dəyərli mənbədir. Onun geniş elmi fəaliyyəti, fundamental tədqiqatları, şərqşünaslıq elminə verdiyi mühüm töhfələr böyük əhəmiyyətə malikdir.

Azərbaycan qadınlarına xas olan ən nəcib xüsusiyyətləri özündə birləşdirən Aida xanımın xatirəsini ehtiramla anırıq.