“Ailə Festivalı”nın keçirilməsinin əsas məqsədi cəmiyyətin diqqətinin ailə məsələlərinə yönəldilməsi, ailələrin asudə vaxtının səmərəli təşkili, milli-mənəvi dəyərlərə söykənən ailə institutunun qorunub saxlanılması və möhkəmləndirilməsi üçün kompleks tədbirlərin görülməsidir.  

Festivalda rəsmi nümayəndələr, millət vəkilləri, ölkənin müxtəlif regionlarını təmsil edən ailələr, həmçinin Türkiyə Respublikasından dəvət olunmuş nümayəndə heyəti və ailələr iştirak edəcək.

Eyni zamanda tədbir çərçivəsində iştirakçılara maarifləndirici proqramlar, intellektual viktorinalar və əyləncəli oyunlar təqdim olunaraq, ailələrin öz marağına uyğun əyləncə seçib asudə vaxtının səmərəli keçirilməsinə şərait yaradılacaq.