16 noyabr 2021-ci il tarixində gənclər və idman naziri Fərid Qayıbov Azərbaycan Uşaqlarının V Ümumrespublika Forumunda iştirak edəcək uşaqların bir qrupu ilə görüşüb.

Görüş zamanı Fərid Qayıbov dövlət gənclər siyasəti, eləcə də bədən tərbiyəsi və idman sahəsində prioritet məsələlərdən danışıb.

O, uşaqların ictimai fəallığının artırılmasında belə görüşlərin əhəmiyyətini vurğulayaraq onların bir çox problemlərin həlli ilə bağlı təşəbbüslər irəli sürmək və təkliflər vermək imkanı yaratdığı üçün bu cür forumların keçirilməsini yüksək qiymətləndirib.

Daha sonra nazir uşaqları maraqlandıran sualları cavablandırıb və onlara forumun işində uğurlar arzu edib.

Sonda xatirə şəkli çəkilib.